गोरबो इसिँनिफ्राइ- 193 Poem by Ronjoy Brahma

नेबाय थागोन अरायसम
अराय जिउ थाबाय थानायसिम
गोदान जिउ दैमा गाथोनाव
जिउनि दिङाखौ जावबोगोन नोँ जेबोला
गाखोगोन आं नोँनि नावआव
-
जोमै सासा नोँ आंखौ लांगोन
बेबादिनो लैथो लैथोमा बारलांगोन
मिथिगौ सफैगोन समा सानसेदि
रंजानाय जागोन बेसे आंदि
गोमोर लांगोन मिनि खुसि
-
संसारनि जेथो खेवनो जुजिनानै
मायानि सानफोरखौ फिराय फिराय
थांनानै दं दुखु दाहाजोँ दिनै
खैफोदजोँ जुजि जुजि
दुखु आरो सुखुनि मोदै दांनाय दांनाय
-
सिमां नुनाय जाबाय बेसेबा
मोकथांजोँ गेले गेले
मिजिँ सुजुनाय जाबाय बेसेबा
मोकथांनि थाखाय गले गले
नोँनि दिङाखौ नेयै नेयै
-
09/05/2016
गोजोनफुरियाव