गोरबो इसिँनिफ्राइ- 195 Poem by Ronjoy Brahma

गसाइ बेसेबा नोँखौ फोथायबाय आं
सोर्गो होन्नायखौ फोथायबाय आं
गसाइ नोँ बहा थायो?
सोर्गो होन्नायखौ आं खोनायो
-
नागिरबाय सोर्गो लैथोआव
मोनाखै सोर्गो अख्रांआव
नागिरबाय गोथै हाखराव सोर्गो
मोनाखै सिमांआव सोर्गो
-
गसाइ नोँ बहा थायो?
सान्दोँ आं आंनि थैयाव
आंनि हां लानायाव
आंनि उखैनायाव
-
बिजिरना नायदोँ मेथाइखौ
फुंनि गोजोन बाराव
बिजिरना नायदोँ सोरां-खोमसिखौ
बेसेबा गोजोन रंजानायाव
-
गसाइ नोँ बहा थायो?
मिथिबाय आं आंनि गोरबोआव
नोँनि सोर्गोआ आंनि गोरबोआव
आंनि जिउ थांना थानायाव
03/06/2016