गोरबो इसिँनिफ्राइ- 196 Poem by Ronjoy Brahma

बारनाय खोलो खोलो बाराव
लोगो नोङो मिनिसुलु मिनिबोदोँ
फ्रि फ्रि हानाय अखायाव नोङो मोसाबोदोँ
बेसेबा जिरायलां लोगो आंनि गोरबोआव
-
बावनाय जानाय नङा गोसोजोँ
लोगो नोँनि मुंखौ सोरां खोमसियाव
बेसेबा रंजाहोबाय मिथिँगाजोँ
लोगो -लोगो जाबाय दिनै नोँजोँ
-
अखानि बोहैनाय बैसुमुथियाव
नोङो गोजावदोँ आंनि खुसिजोँ
बेसेबा थुलुंगा गोनां दाउसिननि मेथाइजोँ
लोगो दिनै थादो मिजिँ लोगोआव
-
नोँखौनो हांख्रायो जेब्ला दुखुआव
नोङो आंनि मोदै जायो
बावदो आंनि दुखु जानायखौ
रंजादो लोगो दिनैनि मेथाइखौ
-
लोगो सोमखोर जाबाय मिथिँगा
बिबारा गेवलांबाय समायना जाबाय
दैसा-निजोरा मिनिसुलु बोहैबाय
बयनिबो रोजाबनाय गोदै गारांजोँ
-
दिनै सोमखोर मिथिँगानि गोरबोआव
गोबाख्रब जायोब्ला मिजिँआव
बोलोखौ होदो लोगो जानानै
थादो आंनि गोथार गोरबो जानानै
06/06/2016