मानसिनि होख्रावनायजोँ मुलुगा हाद्रि जायो
सुदेम बिलाइनि निहोरा ज्रय सिरियो
आय' बारा बेबादि गोरान बारबोदोँ
सिमां मोकथां गोदोना सेरथेदोँ
-
गसाइ नोँनि सोरांखौ ट्रिपाल होथेनानै
सुबुंआ थैखौ हाद्रि-बाला मिसायदोँ
फै नोङो दिनै अर जानानै
सैथोखौ फसंदो जोँनि सावफ्लेनानै
-
गसाइ बयनिबो नोङो लोगो
हमथादो घोरोम गोनां गोसोखौ
माननि जोबोद आलौनायखौ
गासिन्ना लादो नोँनि आथिँ आफाजोँ
-
आदुवा दाफबनाय सिमां मानसिनि
ख्लाव ख्लाव उदैनि अरखौ
जुब जुब अखा दामब्रा जानानै लुफावदो
फै बुंफै खिन्थाफै लोगो सार अन्थाइ गावनानै
-
हर सान मेसेबनो रोङै गिनायजोँ
हरा थांबाय लोगो हरा थांबाय
बेबादि बिखाखौ नारसिनदो नोँनि गोगो आखायजोँ
आय' सुबुंआ दिनै मुलुगखौ नायनो गिबाय
-
लोगो नोँनि सोरांनि गुरै रोदाजोँ
थाबायनो होदो थाबायनो होदो
थोँनै नोँनि गुरै आखायजोँ
बयखौबो समानै हमनानै लादो
08/06/2016
This poem has not been translated into any other language yet.
I would like to translate this poem