दिनैलाय नोङो आंखौ फोजाफैदोँ
बेबादिनो जेब्लाबो नोङो
मोनफ्लायै बुङाखै नोँखौ
गसाइ आंजोँनो थायो नोङो
-
फोलावहर दिनै नोँनि आखायखौ
नोँनि आखायाव हमथानो आं
दाहार गोसा नोँनिनो सोरांआव
द्रोद द्रोद दुद्रगारबाय आं
-
नै रोजाबदोँ अरनाव दाउथु गुल्दुमा
हाबाब गसाइ बेसे गोथाव
जेरैबो गोजोन नोँनि लालिजोँ
बोहैबोथारदो आंनि बिखासिम बारजोँ
-
दिनै अरन सिँखावबोना
सानजा रुगुंनिफ्राय फैथारबाय नोङो
फैदो बेबादिनो लोगो नोङो
आंनि हाबायाव आंखौ नायना थादो
-
खोमसियाव गोमागारबाय सिमांआ
खोमसिजोँ बहाबा गोदोलांबाय
आय' बे गेलेनाया नंखाथारा
सावफ्लेगारदो हाथफ्ला खालामदो
-
होदोदि दिनै आंनि आगानखौ
बयनिबो गाबनायनि सेराव
गसाइ बोखारदो उन्दुनायखौ
दिनै नोँनि हालालि रायजोआव
08/07/2016
This poem has not been translated into any other language yet.
I would like to translate this poem