गोरबो इसिँनिफ्राइ- 201 Poem by Ronjoy Brahma

बायफ्लेबाय बायफ्लेथारबाय गसाइ
आंनि आदुवा जानाय गोसोआ
साथे फैदोदि दिनै नोँनि आखायजोँ
गोजावबाय आङो गावनि मोदैयाव
-
आंनि खामानिया गोब्राबै जाबाय दिनै
लोगो नोँनि खुसि जानायाव
नोँखौनो रागा जोँफ्लांगारबाय
थांबाय नोँनि सोरांजोँ आंनि रागाया
-
जिउ नोङो फैदो आरोबाव
आंनि गोजोन जिरायनाय समाव
नोँजोँ आंजोँ सावरायनाय जाथोँसै
गोगोसिन मोनसेल' गोरबोजोँ
-
सिरिगारबाय आंनि रंजानाया
नोँनि गोजोँ रागा जोँहाबनायाव
बुजिबायदि लोगो आंनि गोरोन्थि
गोमा गारबाय दुगानाय गासैबो
-
आरोबाव बायफ्ले गारबाय गोसोआ
हमथादोदि नोङो गोरा आखायजोँ
नोँनि आखायाव आङो गाखोनोसै
गुन्द्रा खालामगारदो नोँनि गोसोबायदियै
-
सना लुबैनायाव जेरै थाया
सना जादो नोँखौ सिनायनो
सना नोँनि आनसालिजोँ
दिनै बोन्नानै लादो नोँनि खान्थिजोँ
08/07/2016