जायाखै आंहा बोदोर
रंजानाय
देग्लायनि गोरान बैसागुआव
गोरान बुंथावा गोसोआ
सान्दोँ
बिजिर बिजिर गोरबोआ
मोन्दांदोँ
नंगौ देग्लाय गोरान बैसागु
जायाखिसै आंहा बोदोर
रंजानाय ।
बेगेँ बिगुरजोँ दाजानाय
आंनि
हायाखै आं सोमावनो
आय' गोरान देग्लायनि
बैसागुआ
बेखौल' आं सानना थादोँ ।
बोसोरनि दान्दिसे रंजानाय
बैसागु बोथोरा एंगारथावै
दं बोदोर रंजायो
आबादारिफोरा,
गैया, आंनि गामियाव गोरान
मानिबा बिष गोनां
बार बारनायाव
खुवा साग्लोबनाय,
गैया अखानि थरथिँ ।
सानै सानै गोरबोआ आंनि
मेँग्लिनाय,
गोदो ओलोइस्रो जादोँ
रंजादोँ थेवबो सोरबाया
बोलो फोरा फोरा,
हाराजोँ बिगुर
सावगारिया मिथिँगाखौ लाजि फोनांदोँ ।
गोथां बिलाइआव बानाय
गिदोँ दाउसिनफोरा
फाखनाखं दामहरनो
एरसो थाखोमा
मोदैसो हुगारदोँ
जायाखिसै आंहा
बोदोर रंजानाय ।
This poem has not been translated into any other language yet.
I would like to translate this poem