जि जानुवारि 2014 Poem by Ronjoy Brahma

1.
जायाखै समायना रंजानाय
खोनायाखै गारां देँखोखौ
नुआखै समायना आंगोनि हारिमु
रंजाया.. खै साजायना ग्रिद ग्रिद
2.
नुदोँ हटेल क्लाबफोरावनि मोख्रा हारिमु
जादोँ साजायनाय
Bollywood-Hollywood नि
देँखो गैयैबादि होख्रावनाय खोनादोँ आं
बुजि रोङैबादि गोग्लैसोनाय नुदोँ आं
3.
ओरैनो गावनिखौ हामजा खालिया
साननायाबो गावनिखौ दाउखानिजोँसो
गोरोन्थिया आंनिबो..
आंबो सोमावदोँ आखाय थोँनै
आरो
आयथिँ थोँनै
आरोबाव
बाज्ल' रोङै बन्थ' मुरा मोदोमखौ
4.
मुङाथ' मुं जोँ बर'खा
जानोबो हाखाया जोँ गुबुन
दाउखाया दावब' जानाय बायदि
बेखौथ' आरो आजिखालि
सानसै बयबो कमफलसारि
5.
हामाखैदे जोँनिया, लाजिनो रोँनांगौ
जायाखैदे जोँनिया, साननो रोँनांगौ
जोँनिजोँ साजायना
जोँनिजोँ मोसाब्ला
बेसे समायगौमोन?
खहाब थाराब्लाबो जोँनिखौ
गोजानै गोजान खोमायाव होजायो
बेजोँनो आफा खबस्रो खबस्रो
6.
बोथोरा सुनि जाबाय नामा
ना... ना...
जोँनि बैसोआ?
बुजिनो हादिया आं
ना फार्टि होमब्ला जोँनिजोँ...
जाया नामा?
जोँनिया मोदोम दुङा नामा?
आरो... आरो...
जोँनिया समाया.. नामा?
7.
नङा.....
नङा,
जोँनिया समायो
थेवबो जोँनिया उसु खुथुआव खोख्लैयो
बेबादि मोनो आं
जेराव सोलियो हटेल क्लाबफोरावनि
लाबोनाय जायो मोख्रा हारिमुखौसो
सानसेनि थाखाय
नङाबा सानफा-हरफानि
थाखाय हावलद् ।

(10 जानुवारि 2014
मेघालयनि कुहुआ मुंनि
फिसा जायगायाव
बङाइगाव फरायसालिमानिफ्राय
BCBSU जोँ लोगोसे
लावखार ओँखाम)