गोरबो इसिँनिफ्राइ- 206 Poem by Ronjoy Brahma

खोमसिखौ बहाबा नाथ्रोदहरनानै
दिनै नोँ फैबाय लोगो,
आंनि उन्दुनायखौ फोजानानै
नोँ फैबाय दुंबुर बिलिरनानै।
लोगो दिनै थिसनदो आंखौ हाबायाव
नायनानै थादो आंनि मोजां हाबाखौ,
खोमसिखौ बहाबा नाथ्रोदहरनानै
नोँ होफैबाय मोजां थुलुंगा मोखांआव।
अरायनि जेरै गोरोन्थि जाया
आंनि सान्नायाव नोँनो थादो,
रावनिबो जेरै मोदै गया
गोथार मावनो गियानखौ होदो।
आंनि उन्दुनायखौ फोजानानै
नोँ फैबाय दुंबुर बिलिरनानै,
नै लोगो थादो गोरबोआव
थादो गियान गोरबोनि हान्थिनायाव।
मुलुगाव दुलाराइ सोरांखौ होनानै
थादो नोङो बयनिबो खुसियाव,
लोगो गासै गोजोनखौ होनानै
थादो नोङो बयनिबो अनलायनायाव।
13/11/2016