गोरबो इसिँनिफ्राइ- 207 Poem by Ronjoy Brahma

आरोबाव बेसेबा बावनानै थायो नोँखौ
आरोबाव आंनि गोरोन्थि जायो
गनायबाय गासै आंहा गोरोन्थि जाबाय
बेसेबा बावनानै थायो नोँखौ
आरोबाव आं जेन' नोँखौ बावलिया
थादो गसाइ आंनि दुगानायाव
गोसोनि दंनाय गासै दुमायनायजोँ
आंखौ सामदो सिं खालामनानै
मोजोमसे थिफुद्ला रंजानायजोँ
गोबां साना आय' थांबाय
लोगो आरोबावदि थाबाय गोलाव साना
जेरै आं उथ्रिनो हायो थादो गसाइ
आंखौ सदबनानै नोङो गोबादो
जेरै नोँखौ बावनो हाया
थादो गसाइ लोगो जानानै
आंनि गोसोआव था, मेगनाव था
नोँखौ सिनायै आंनि गोरबोआव
आवग्रिदो नोङो सोरां जानानै
जेरैहाय आं नोँखौ एंगारनो हाया
थादो लोगो आंनि जिउ जानानै
नै गसाइ आंनो खामानि होदो
जिउनि सानखौ बेयावनो फुरायनो
आंनि मेँनायखौ नोँनो लादो
दिनै रंजानाय नाङै दुखुखौ सावफ्लेदो
14/11/2016