गोरबो इसिँनिफ्राइ- 209 Poem by Ronjoy Brahma

नै आंनि लोगो सोरां
अराय सोरां मेगन नुहोग्रा,
नोँबादि नैथि रावबो गैया
से सैथो नोङो जिउ फोथांग्रा।
नोँखौ लोगो मोन्नायाव
नोँखौ गंग्लायनायजोँ खुलुमो,
आंखौ अन्नायजोँ लोगो खालामदो
आंखौ जेरैबो नायहरनो होदो।
मेगन बेखेवग्रा नोङो
नोँनो गिरि, आरो रावबो गैया-
नोँबादि सोरां होग्रा गोरबो;
महर गोनां गुण गोनां नोङो।
आबुं सोदोबनि गेजेराव
नोङो ब्रह्म ओँथि गोनां,
आं जेरै नायो ओरैनो नुयो
फोजोबनो हाया नोँनि होनाय-मोन्नायखौ।
नोँनि गुणखौ बाखोनायो
दोरोद रोङै महर गोनां,
अराय जोँमा सिबिजानाय नोङो,
नैथि रावबो गैया नोँबादि।
नोँनो गिरि गुस्लायनो रोङै
गोदैनिफ्रायबो गोदैसिन नोँनि मुं,
आय' सान! नोँखौ खुलुमो
नोँनि गुणखौ बाखोनायो।
01/12/2016