गोरबो इसिँनिफ्राइ -23 Poem by Ronjoy Brahma

नोँनि मैया सोरजिनाय
आय' आय'
गोसोआव आंनि रंजानाय सोमो
मेगनाव साग्लोबो निसा
-
गसाइ हाया हाया मेसेबनो
गोरबोआव लुफावफैबाय
नोङो आंनि
बिबार बारिनि रंजानाय
हायनानि सिखिरि
-
दिनै बे थरथिँसे मोदै हुगारना
गाबहरबाय आं आफा
नोँनियाव आर'ज
माबादि रंजानाय
मिनिनाय-गाबनाय आंनि
सानस' हाया गोरबो
अख्रांजोँ
मोनबायसै आं आफा
नोँनि मैया मैया
-
नोँनि सोराङा मिनिस्लुनाय
आंनि गोरबोआव जायख्लंनि मुमुर जाखांफैदोँ
नुजानाय आंनि मन्दिरआव नोँनि
-
गसाइ नोँनि सोरजिमाय नुनाय आरो नुयै
लोगो सानथ्र हाया मेगनजोँ
जिउनि जोबथा समा बारग'लांगोन
गसाइ नोँखौ आं खावलायगोन
नोँ आंजोँ था अराय
-
गाबनायखौ आं नाङा बुंनाय नङा
गसाइ मिनिनायखौबो हो दान्दिसे
नोँनि असे लोगो आं
थांनाय थैनायनि सावगारि नोँनि मेगनाव।