गोरबो इसिँनिफ्राइ -24 Poem by Ronjoy Brahma

जाया गोमालांबाय
गोरबोनिफ्राय
दुखु हांमा
आरोबाव नांलिया लाबोनो जिउआव
आरोबाव हालिया सहायनो
लाबाय गोरबोनि फांथेना
दरजाखौ
-
फैबाय आं आफा
नागिरनानै नोँखौ
मोननो जुनै गोथार लामाजोँ
फैनो जाया लुबैयो आंनि जिउआव दुष्टयै
होखारहर होखारहर आफा
गले गले फैब्लाबो
सेराव आंनिफ्राय
-
सायना सालि नोँनि
लांदां बे फोथाराव
लुबैयो आं सुबुंजोँ रंजानो
नोँनि साया साया
-
आबुं खालामहर आफा आंनि
रंजासुला आंनि
नोँनि साया साया
दाहाखौ बावगारना
मिनिसोरां
-
गसाइ मिथिँगानि गोदै देँखोखौ
सुजुना नोङो दाउसिननि गारांआव
रैसुमै दैमा-निजोरानि गोरबोजोँ
लोगो नोङो खामखौ दामदो आख्रांआव
-
नोङो अखा जाना मोसाफैब्ला
सुदेम आं गोबायो
लोगो नोङो बार जाना बिलिर फैब्ला
आं नोँखौ अननायजोँ खुदुमो
-
फैदो गसाइ नोँ
जेरै गोजोनो आं रंजानानै
होनो मोजां सावगारि
लोगो जेरै सोलोङो आं।