गोरबो इसिँनिफ्राइ -26 Poem by Ronjoy Brahma

सेफ' सेफ' मेँनाय लानानै
थाद' फैदोँ नै आफा खारनानै
दिनैनि यज्ञ सालियाव
बोर मानि आं
हास्थायनानै बे मेलाव
-
नोँखौ खुलुमो आफा
गोथार गोसोजोँ
गोरोबहो आफा
हास्थायनाय मानि
गोथार गोरबोजोँ
हास्थायनाय आंनि
-
एसे दिनथ' गैयामोन आंहा
गोरबोआव सानाय
थांनाय सानाव गैयामोन
देहायाव सानाय
-
गासिबो मोदोम बिगुराव
दंमोन सिथाबना
मैला नांनाय हानि
दिनै बे देहानि सानायाव
गाबख्रावदोँ आं होख्राव होख्राव
होदावरि गोसोआ नोँखौ
गाबज्रिदोँ मोदै हुगारै
-
सेप' सेप' मेँनाय लानानै
थाद' फैदोँ नै आफा खारनानै
दिनैनि जज्ञ सालियाव
बोर मानि आं हास्थायनानै बे मेलाव।