दिनै हर गेजेराव खोनादोँ आं
आल्ला होनाय सोरनिबा
सुर बोहाबना देँखो हगारनाय
आय' आय गोरबोआ मिजों खांदोँ
-
सांग्रेमा एम्फौनि खोमसि हर
बरायनाय
खांखमा गोमोथिँ बामब्लेमा
एनजर सिखानि मिनिग्लाबनाय
गोरबोआव मेवखांदोँ
-
नाजादोँ आं गले गले दरजा फांनो
गोरबोनि
नारखावफैदोँ गोजोँ हमथा हायै
फेलेँनि दाहा
हमथा हायै बाना मोदैनि
-
फोजादोँ गले जावले
थोँगोर थोँगोर
खोमोन मोदोमनि
उन्दुलांहायि गुदुं गोलोमदै।
This poem has not been translated into any other language yet.
I would like to translate this poem