गोरबो इसिँनिफ्राइ -32 Poem by Ronjoy Brahma

उन्दुनायनिफ्राइ सिखारनाय समाव
हरनि सिमाङा गावनो
खारलांगारबाय
-
गेवबाय आंनि मैखि खाथेनाय मेगन
थाबावाखिसै आरो आद्रा सिमां
गोरबोआव
बारनबोबाय आं मुलुग संसाराव
-
दंनायमानि सिलानि बेरलाबनाय
दाखोर नुसनबाय
दंमानि समायना बिबार बारि
मेगनजोँ नुबाय
मोदोमनाय बिबारनि
गन्थंजोँ मोन्दांबाय
-
सानजा अखोरांनिफ्राइ
जोँस्रां सोराङा
आंनिथिँ नायहरबाय
खुवा खुवा बुहुमा आंखौ
जेरैबो बेँदिँबाय
-
रोनावनाय गाबनाय-रंजानाय आरो
सोगोमनाय
आंनि खोमायाव गोग्लैबाय
-
खुलुमो आं आफा नोँखौ
दिनैनि फुंबिलियाव
मैखि खिनाय
लोरबां-लोरला
देहाखौ लानानै।