गोरबो इसिँनिफ्राइ -43 Poem by Ronjoy Brahma

साननो हालिया आफा आं
मिथिरोँला गिरि आं
सैथोआ मा
मोजां गाज्रि फारागा मा?
-
बारदावलि गोसो हालिया हमथानो
जिनिर नांनाय गोरबोआव अहंयै
हायाखै होखारनो दिनैबो
-
गैलिया राहा गिरि नोँ
नङाब्ला
गास्लिद फैदो आंनि
गासै अहंमानि
नोँनि गोथार बोर मददजोँ
जिउखौ आंनि देहाखौ सुफुंफैदो
गोथार अननायजोँ
-
गसाइ दादोन थारसै जिनिर नांनाय
मैलायै सानाय
दुथां गोरबो लुबैनाय
सोलास्लिबनायखौ
-
आरोबाव बेसे गोबाव
थाबावगोन सोलास्लिबनाय
एदगार हरदो आफा
गोरबोनिफ्राय आंनि
लुबैलिया आरोबाव जाहाथे बेखौ
-
गोसो गोथार सान्नायजोँ आं
खुलुमनो जेब्लाबो सोमजिथोँ
ओँखारनाय हाबनाय
मेगनाव नुब्ला
गोसो गोरबोआव दोहौ
जाखांथोँ साननाय
मावनो हानाय गोथार
गियानजोँ।