गोरबो इसिँनिफ्राइ -45 Poem by Ronjoy Brahma

रंजानायनिफ्राय आरोबाव आंनाव दुखु
नाजानाय मिजिँ हाबिला
साननाय गोदौफैदोँ गोरबोआव
आफा अबं नोँनि
हास्थायो आफा अरायबो
-
मिजिँ गोथार सोरनि खेलेँखारि गोरबोआव
ओँथि गैयै साननाय जिउ
गले गले जाखांफैयो मिजिङाव
-
गसाइ मा मोन्थोर गोसोनि
माबोरै थागोन
सुखु गोजोनै
गसाइ नोँखौनो लामा नायो
-
लैथो बिलोआव गोरबोनि साननाय
थब्ल' थब्ल' जावरियो
मानो उजियाव
दिनै गोसा सान्दुंआव
आय'
जाखांदोँ मानोबा गोदौग्लाबनाय
मिजिँ हाबिला
गोरबोनि।
-
04/04/2014
गामियाव