गोरबो इसिँनिफ्राइ -59 Poem by Ronjoy Brahma

आंनि खावलायाव बोहै होदोँ
गसाइ गोगो नोङो मोदै
आंनि गोरबोआव सोगोमदोँ
नोँ दिनै सार अन्थाइ
-
हे इशोर-
नाजागोन होखारनो दुखुखौ
थेना बान्दो गोरबोनि बानाखौ
-
मोदैआ आंनि बाना गोरबोआव
दं बोहैयो जेब्लाबो उसिना
नोँनि बिखायाव बोहैख्लायगोन लासै
दुखुआ आंनि उसिनाय बान्दोनि
-
गोरान दिनै नोँनि आथिँआव
खुलुमगोन आं दुखुजोँ सास्रिना
थरथिँसे मोदै नोँनि आथिँआव
-
लोगो थेनो सान्दोँब्ला थेदो नोँ बान्दो
बोहैलांथोँ नोँनि बिखाजोँ बाना
जानानै गोगो निजोरा गोरबोनि
-
गसाइ मोदैआ आंनि फोरमायो दुखु दिनै
सोरजिगिरि नोँथ' बेखौ मिथिगौ
आंनि आर'जजोँ नोङो गनायदो
होदो गोरा बान्दो लुफुंना
उसि हायै बाना
आंनि मोदैखौबो लादो नोङो
गोगो लामायाव बिलिरना
-
दुबगानाय आफा बे आंनि
नोँल'सै राहा गैया आंहा
जिउनि गिरि नोँ गसाइ
सोरजिगिरि नोङो मुलुगनि।
-
27/04/2014
गामियाव