हारसिङै आं फैफिनलिया आरो
बेबादि मानसि महरै
गावनि गोसोआव थाथोँ गोजोनग्लायनाय
बे दागोन अराय गोजोन सोर्गोआव
-
गसाइ जेब्ला मोनगोन आं नोँखौ
बयनिबो गेजेराव
बै समाव गोरबोआव मोनगोन
गिरि लोगो हमगोन बिफाखौ
बयनिबो गोरबो रायजोआव
-
गोसोआ रंजानाय बेमा नांथायै
नुगोन मिनिनाय आंनि गाबज्रिनाय
खोनागोन गेबेँ राव
बोसोन बिफानि
-
अराय मिजिँ-सिमां
बेरखांगोन
नोँ बिफानि अननायजोँ मुलुगाव
जिउनि लामाया हाद्रि गैयै गेबेँ
थांगोन देलायना जिउनि रोथोनाव
-
गसाइ फैगोन जेबोला नायनो खेबसे
अनसायनाय अराय गोरोबथारनाय
बाज्रुमबोगोन अखा महरै मुलुगाव
-
खोनासंगोन सुबुंनि होज्रिख्रावनाय
सुखु-दुखु
गाबनाय-मिनिनाय
रिँखांगोन गोजोनै गेबेँ आर'जआ
खुवा खुवा बाना दै लोमनाय मिथिँगायाव।
-
08/05/2014
गामियाव
This poem has not been translated into any other language yet.
I would like to translate this poem