गोरबो इसिँनिफ्राइ -67 Poem by Ronjoy Brahma

मोन्दांदोँ दिनै जिउआव
जाय फैबाय दिनै लाइमोन महरै
बे समाव
दावबायनाया आंनिया जागायबाय
-
लोगो थांगोन सौहैगोन बेयो मिजिँ जिउनि
गसाइ जोबनाय फारसे हरै
लामायाव
-
गेवनोसै जानांगौ गोदान लामाया
थाबोबावबाय उनजोँबो
गोजान लामाया
लामा गोदान आगान सुरनांगौ
-
लोगो थांनांगोन अबंनि गोथार लामाजोँ
आवगायनांगौ सोरबा गुरुनि
सोरां लामाजोँ
थांनांगोन सौसिना खोमसि हराव माब्लाबा
-
लोगो थांगोन सौसिना सौहैनो
थांखियाव
मोन्दांदोँ दिनै गोरबोआव
मादि जोबनो गैयै
लामा आन्दायनाय
-
गसाइ मा नुखो जिउआव
सोमो-रंजानाय गाबनि
मिथिगौ अबंनि गासै
माया महिमा नोँनि
-
हास्थायो आं गशाइ हास्थायो
नोँखौ नुनो गोरबोजोँ
लागोन आफा नोँनि
आखायजोँ खाफालाव
जाय फैबाय दिनै आं
नोँनि खाथियाव
-
मिथिगौ आफा नोङो आंनि
गसाइ गिरि नोङो राहानि
फैदो लोगोआव थादो आंजोँनो।
-
15/05/2014
गोजोनफुरियाव