गोरबो इसिँनिफ्राइ -76 Poem by Ronjoy Brahma

हे अबं राहागिरि नोँ
राहाखौ नागिरनो हो आंनो नोङो
नै जोँमा एसेथ' नायहर आंनिथिँ नोङो
हावासि आंनि गोरबोआ
-
खोमसि दरसि आंनि लामाया
नै जोँमा सोरांखौ हो नागिरनो
मोदान हो मिनिस्लु
आंनि जिउखौ
-
मोन्दाङो आंनि गोरबोआव हांमा
दुखु दाहा
फै जोँमा फै गोरबोआव
जायगा लाफै अनख' राहागिरि बिमा नोँनो
-
सोरजिगिरि गसाइ जिउ नोँनो
सोरजिदोँ नोँनो आंनि गोरबोखौ
खोमसियाव नाथाय आङो
मोनाखै सोरांनि लामाखौ
-
लोगो मोनाखै बिमा आङो
सोरां गोग्लैनाय लामा
नोँनोथ' सासेल' बरदे देबी
ॐ आयाही बरदे देबी
नै आय-आफा मुलुकगिरि
आंनि गोरबोआव सोरां
नोङो जायगा लाफै
-
नै जोँमा गोरबोजोँ हाजासे
आर'ज आंनि नोँखौनो
हांख्रायो आय-आफा नोँखौनो ब्रह्मबादिनि
-
नै बिगोमा आंनिनो गोरबो
नोँनो अराय जिउनि गिरि
नोँखौनो आं गोरबोजोँ हांख्रायो
-
अबं गोथार गुबुन नङै
ब्रह्मयोनि नम: हस्तुते
लोगो नोँखौ खुलुमो
नोँखौ मानियो जेब्लाबो गसाइ।
-
12/06/2014
गामियाव