फिन नं 783393 Poem by Ronjoy Brahma

'आयौ गैयामोन गोदो बेबादि'
बुंदोँ फावगालि आबै जालाख' बुदां आबौआ
-
जागायबाय बेरखांबाय जोँनि दिनावलाय
मोनामसुनो गिलायनाय सैमा बांग्राया
लेडिस् ड्रेच्आ मोसा फाख्रिनि
-
बड'लेण्डनि 50/50 जोँ रुजुदोँ
खान्दा थेबखो खाखो
बोखो बोखो हास'नाय
हान्थु खिथासिम गान्नाय
-
ख्लाब-ख्लिब खानाय ह'लि सारनाय कलार मेट्
गोजा गोथां बायदि गाब
स्टाइला नेवलाइ बोरमा
दावलुर मोख्रानि लानजाइसो जेन'
-
नुयोबोला बारलांनाय मुगानि
हाख'राव उन्दुलांनाय आबै-आबौमोना
खांग्रांगोनसो फोददा हाथाइ गलाफोराव
-
बाराबा मुजुगारगौमोन बिसोर खुदै
लासिँसिं सि सि सि
थु: थु: मुगै सुगै होन्नानै
नुयोब्ला फुजा मेलाफोराव
-
दिनै खुनाय लुन लुन उखुन्दै
सालायनाय फालसार मटर साइकेल
150,180 रयाल इमफिल
एटभेनजार थिटबेनजार
हालिया माथुनो खोमा
सुमलि थुलाजोँ सोदोबफोरखौ
-
रिडि रिदां मबाइल टिलिपन
दिनै उन्दै खि गोरलै
लाजि गैयैफ्रा सिनाय रोँला
गिदिर होन्नाय फोरोँगिरि
-
हेलो हेलो मा बुंनो
बोराय बुरै उन्दै खिगोरलै
सोरखौ सोर मा बुंनो
गोलाव गोलाव बेन्दोँ इयार्रिँ
जालानिफ्राय खोमायाव
आबै-आबौ होन्ना
बाबु जारौ होन्ना
गाबज्रिबावनो सोर गोदै रावजोँ?
-
सानख' हायै मिल
दा हेण्डि-उवर्क्
दोखो दोखो नाग्लिना
खुगायाव होदोँ गब
सादा बिहारि थांखु
-
दिनै उन्दै गेदेर गैया
लाजिनाय गिनाय जेबो गैया
लुन लुन बोथोर गैयै उखुन्दै
बोहैदोँ खुवा खुवा...
-
हारिनि सोमोन्दै बिबुंथि होनोब्ला
दंङ जोँहा हारिमु मोनसे
गैलिया बेखौ दा
हामजालिया
नुनो मोनसै दाना
कालच्चारेल प्रग्रामाव
हटेल क्लाबफोरावनि
सावगारि मोख्रा हारिमुनि
-
बेयाव खावसे थानाय बिखा
हालां खान्दा खान्दा
फेन्दा खिथासिम
हलिउड्-बलिउड्नि
'निउ आरो मडिपाइ'
-
बिसोरबो दानिया सोलोँबाय
बाङालि बोरायनि बिड़ि
बिहारी बोरायनि हंखा
वाइन स्वप्नि संफ्ला अरख'नाय
उन्दै खिगोरलै जेनेरेस्वन बाय
जेनेरेस्वन
-
दा आबगारिनि गलायाव
नांला-बंसा अख्रां सौसिलांनाय बाथ्रा
आरो गोगोम देरहासाद होज्रिख्रावनाय
-
दा गाव गाबागावसो संसार
सोर गुरुदेब सोर बड'पा
सोर यीसुक्रष्ट सोर गान्घिजी
गेदेमानि जिउ जारिमिन मानो सावरायबावनो?
-
बिसोरनि फिल'सपिया अट'मटिथ सेन्स
इसोर होन्नाय गैया
गिदिर उन्दै समान
-
बिसोर दिनै मैदेर मोदोम
थोआ लामा लामा थोआ
बे समाव हगार गाड़ि मटर
आरो राजा महाराजा गोरोँ गियानि
गैया रावहाबो सामलायनो गोहो
-
बैफोर बोहैदोँ बुरलुंबुथुर हायेनाव
बोहैलांबाय थादोँ
सोँब्ला मोनगोन नोँथांङानो
फिन नं 783393 होन्नानै।