गोरबो इसिँनिफ्राइ- 81 Poem by Ronjoy Brahma

दिनै आरोबाव लुबैयो आं मानोबा
हाबाब आफा गास्लिद फै आंनि
गसाइ बे लुबैनाया साग्लोबदोँ गोसोखौ
-
लोगो होखारहर आफा आंनि गासैबो
नाङा बे लुबैनायखौ गोरबोआव
होखारहर लोगो होखारहर बेखौ
-
दिनै आय' बिरबायदोँ गोरानै गोसोआ
बे दुखुखौ हर आफा आंनो
मोदै हुगारना आर'जाव फज'नो गंग्लायनायखौ
-
दिनै आरोबाव आं लुबैया बेखौ
गसाइ गास्लिदफै नंखाय मिनिनायखौ
लोगो नंखाय आंनि रंजानायखौ
-
दिनै नै जोँमा मा हास्थायनाय बेयो
बिरबायदोँ गोरान गोसोआव सिरि सिरि
नै गिरि दबथाय नोङो बेखौ
बो आंखौ दुखुआव
-
नै मानिजाथाव आंनि अबं गिरि
नोँखौ बावगारना थानाय आंदि
लोगो नोँखौ आं बावगारथारबाय आफा मानोबा
बेयो साग्लोबबाय आंनि गुबुंले गोसोआव
-
लोगो बोदो आंखौ आरोबाव दुखुआव
गोजावथोँ गोरबोआ गोथौ सानस्रियाव
आय' हो आफा आंनो मोजां
बिरबायथोँ बिरबायथोँ मोजां मिजिँआव।
-
23/09/2014
आमटेका, सोरां सान्थि आळ्रम