गोरबो इसिँनिफ्राइ- 84 Poem by Ronjoy Brahma

सानजानि रुगुं सारफावना मोदान्नाय
गंग्लायदो आंनि नै गोसो
गंग्लायदो बे जोँमाखौ
गावनि जिउआव बे सोरांखौ
-
गोजा सोरां सारफावनाय मुलुगाव
आबिर बिलिरदोँ मुलुगाव
जाय मुलुगा खर' दिखाङो सोरांआव
नै गंग्लायै खुलुमदो गोसो आंनि
-
उन्दुहाबनाय खोमसिखौ होखारोब्ला
नै गोसो गनायदो बे जोँमाखौ
जोहोलावनि गिरि
सोरजिगिरि आंनि
-
हान्थिनाय जिउनि आनजादआव
बियो आनजादल' नायोब्ला
नै गोसो बिख'ना लादो आर'जआव
रुगुं मोनस'यै संसाराव
नै गोसो गाबदो गेबेँ आर'जआव
-
जोँमानि फुं सोरांआव
मोदोमफ्रु बिबारफोरा गेवलांबोला
गोसो गोजोन मोनोब्ला
नै गोसो हांख्रायदो गले गले
गोथार गोसो आर'जआव
-
दान्दिसे गोजोन लुबैना हाबिला
गोरबोआव जायोब्ला दोहौ
बेफोर आरो सुथिना गोसोआव
बोजबना ला नै गोसो गोरबोआव
-
जेब्लाबो जोथोनै आर'जआव
मोनफ्रोमबो हाबायाव गंग्लायना
गोफार गोथौ गुसु मेलेमै
नै गोसो लोगोआव आवरायदो गियानाव
-
रजे सानसेनि गोजोनखौ बुरखायदो
नै गोसो गंग्लायना होदो साबायखर
जोँमानि सोरांआव मिनिस्लुनाय।
-
03/10/2014
आयनि देरायाव