गोरबो इसिँनिफ्राइ -89 Poem by Ronjoy Brahma

गोथार नोँनि सास्रिनाय मानिखौ
खुसिजोँ आं आजावगोन गंग्लायनानै
गोथार आखायजोँ हमजागोन खाफालाव
बेनिनो दं आं आर'जआव
-
साननि उनाव सान आरो
फैबाय दिनैसो आं आर'जआव
गंग्लायनायजोँ खुलुमो बिफाखौ अन्नायजोँ
आर'जखौ गाब्बाय आरोबाव
-
गसाइ दायनिगिरिया आंनो
लोगो बेखौबो बोजब्बाय आंनो
बेनि लामा नागिरना फैबाय गसाइ आर'जआव
-
नै आफा अबं गशाइ
आंनियाव थांलाय-फैलायथार बार हाद्रिया
बेनिनो नागिरो गोजोन आर'जआव
-
हाबफै हाबफै होन्ना बुंगारो गोरबोआ
बेनिबो गोगो लामाखौ नागिरो
होदो होदो गोरबोआव बुंबायो
गोथार सानस्रिखौ मिजिँआव
-
हरनि उनाव उनाव आरो
मोसाबाय गोरबोआव हाद्रिया
गाबज्रियो सुस्रांनो आर'जआव
होन्नानै बुङो नोँथांखौ होखारहर
-
लोगो दंनायमानि मैलाखौ सिबस्रांहर
गोजोन मानिखौ हर मिजिँआव
गाबो बेनिनो आर'जआव।
-
29/10/2014
आयनि देरायाव