गोरबो इसिँनिफ्राइ -93 Poem by Ronjoy Brahma

दिनै हान्थिनाय हाद्रिनि लामायाव
मादि सान्दोँ गोसोआ
फुवा फुवा बिरबायो हाद्रिया
मेँब्रां सोलेरखौ खालामफैयो
-
नै आफा अबं गशाइ
बेखौनो बुंदोँ गोरबोआ सिरियै
फै फै सना अखायाव फिसिफै
गोरान हाद्रियाव बिलिरफै
-
खारफा खारफा लामायाव बिसोरो
सोरगिदिँ बेँदिङो सोलेरखौ
फै फै आफा सुस्रफै सोलेरखौ
गाबज्रियो नोँखौनो हान्थिनायाव
-
गाबनाय गैयै अख्रा गोरबोआव
गाबनो नागिरो रागायाव
बेखौनो लाबो आंनो गिरि
गोदै गाबनाय आर'ज खुगायाव
-
फै फै गिरि बुंबायो गोरबोजोँ
आंनि गासैबो सान्नाय मैलाखौ
फुख' फुख'थार गोगो अखायाव
-
गाबनायखौ एंगारनानै आङो
मिजिँनि सैथोखौ बावहाबनानै
लोगो नोँखौ बावहाबथारबाय गोरबोआ
-
रंजादोँमोन गोसोआ हाद्रियाव बिरबायना
फै फै आफा दिनै बुंबायो
आंनि गासैबो फिसिफै सान्नायाव
रंजानाय नंखायै महरखौ नारसोमनानै अखायाव।
-
03/12/2014
बिजिनि