علم ہے تو آدمی انسان ہے Poem by Anjum Alinagari

علم ہے تو آدمی انسان ہے
علم ہے تو زندگی آسان ہے

علم سے ہندی ہے ، ہندوستان ہے
علم سے تہذیب کی پہچان ہے

ہم نے دیکھا علم کے فقدان سے
ایک جاہل بن گیا حیوان ہے

ہے بہت افسوس اہل علم سے
آج خالی علم کا میدان ہے

جل رہا ہے علم والوں کا چراغ
ہے کرم رب کا ،بڑا احسان ہے

پڑھنے لکھنے سے اگر بچے ہوں دور
دیش کا سب سے بڑا نقصان ہے

چین جاکر علم حاصل تم کرو
یہ بزرگوں کا میرے فرمان ہے

علم وہ حاصل کرے گا اب ضرور
علم سے جو آج تک انجان ہے۔۔۔
© انجم علی نگری دربھنگہ بہار