ભારતદેશ મહાન
શુક્રવાર,22 ફેબ્રુઆરી 2019
ના રાખો લડાઈ નો ઉન્માદ
દેશ ની અંદર ના હોવો જોઈએ વિખવાદ
બધા એક સુર થી વખોડે આતંકવાદ
પછી ભલે રાખતા હોય મન માં પ્રાંતવાદ।
આજે દુશ્મન ઉઠાવે ફાયદો
નથી આવતો વચમાં કોઈપણ કાયદો
માનવતાવાદી સંગઠનો ઉઠાવશે વાંધો
પણ આ તો બની ગયો છે એમનો ધંધો।
મહત્વ ની રાજકીય પાર્ટી ઓ વિરોધી સુર ઉઠાવી રહયા છે
એમને લાગે છે આનાથી એમને ચૂંટણી માં ફાયદો થશે
પણ નથી જાણતા કે દેશ ને કેટલો ગેરફાયદો થશે?
આવનારી પેઢીઓ ને આનો અંદાજ આવતો જશે।
કરવો છે દુશ્મન ને સીધો દોર
ભલે પછી એનો ગુંજતો રહે દયા માટે શોર
આખી દુનિયા માં એનો બહિષ્કાર કરવા નો સુર ઉઠી રહ્યો છે
ભારત ના સપૂતો ના બલિદાન માટે દેશ એકજુટ થઇ રહ્યો છે।
આજે સમય આવી ગયો છે જવાબ આપવાનો
દેશ ને પોતાની શક્તિ નો પરિચય આપવાનો
અને દુશ્મન ના દાંત ખાટા કરવાનો
ભારતદેશ મહાન છે અને મહાન જ રહેવાનો।
હસમુખ અમથાલાલ મહેતા
This poem has not been translated into any other language yet.
I would like to translate this poem