ધન ની ચિંતા.....Dhan Poem by Mehta Hasmukh Amathaal

ધન ની ચિંતા
ગુરુવાર,29 નવેમ્બર 2018

જીવન છે તો સંગત છે
સંગત છે તો ગમ્મત છે
ગમ્મત છે તો રમત છે
રમત છે તો હિમ્મત છે।

હિમ્મત નો હું કાયલ
તેનો રહું હું ઘાયલ
પછી કોઈ ના પૂછે સવાલ
અને થાય કદી ના બબાલ

જીવન માં વિષ ના હું ઘોળું
અમૃત નું કરું પાન અને ભાળું
અમી ના છાંટણા વરસાવું
કદી કોઈ ને ના તરસાવું।

આવું મોંઘેરું જીવન
તેને રાખું સદા સજીવન
સત્યનો રહુ આગ્રહી આજીવન
હંમેશા રાખું જીવન મધુર અને પાવન।

જીવન માં આવે કદી પડતી
અથવા આવી પડે એકાએક ચડતી
ઘણાને સમજ માં જ ના આવે
પાછી વળી ધન ની ચિંતા સતાવે।

હસમુખ અમથાલાલ મહેતા