احساس Ehsas Poem by Akhtar Jawad

دھیرے دھیرے ہو جو احساس تو قدرت یہ ہے
کوئی ہر لمحہ ہو گر پاس محبت یہ ہے
کوئی اچھا لگے اتنا کہ برے لگنے لگیں سب
اور بھانے لگے سنیاس تو چاھت یہ ہے
دوستی ہلکی تھی جب تک میرے ہونٹوں پہ رہا
نام اب لینے لگا سانس تو شدت یہ ہے
راکھ بن نے کا اگر خوف بھی باقی نہ بچے
شعلہ بن جائے اگر یاس حرارت یہ ہے
مانگنے سے ملا جب کوئی تو کچھ بھی نہ ملا
خود ہی آئے جو کوئی پاس تو قربت یہ ہے
نظریں جھک جائیں تو سمجھو کہ سلام آیا ہے
خامشی تیز کرے سانس اجازت یہ ہے
مسکراہٹ کا بھی تن ہے اسے عریاں نہ کرو
ہے حجاب اس کا لباس اور شرافت یہ ہے
بوجھ کی طرح جو پوری ہو ضرورت ہی نہیں
تم کو خود آئ ہے جو راس ضرورت یہ ہے
بے سبب خوش بھی تو رہتا تھا یہ پاگل اَخْتَر
ہو گیا ہے جو اُداس آج تو الفت یہ ہے
Dheere dheere ho jo ehsas to qudrt yh hay
Koi hr lmha ho gr pas muhbbt yh hay
Koi acha lage itna kh bure lgne lgeN sb
Aor bhane lge snyas to chht yh hay
Dosti hlki thi jb tk mere hontoN ph rha
Nam ab lene laga sans to shiddt yh hay
Rakh bnne ka agr khof bhi baqi nh bche
Shola bn jae agr yas hrart yh hay
Mangne se mila jb koi to kuch bhi nh mila
Khud hi aaye jo koi pas to qurbt yh hay
NzreN jhuk jaeN to smjho kh slam aaya hay
Khamushi tez kre sans ijazt yh hay
Mukuraht ka bhi tn hay ise uriaN nh kro
Hay hijab iska libas aor shraft yh hay
Bojh ki trh jo poori ho zroort hi nahiN
Tumko khud aai hay jo ras zroort yeh hay
Besbb khush bhi to rhta tha yh pagl Akhtar
Ho geya hay jo udas aaj to ulft yh hay