Garab Gulaa (Kosli Poem 151) Poem by Binapani Mahaling

Jen dine muin jaanli tui mor pete badhuchhu bali
Kahi naain paaren kete usat laaglaa aankhinu paain gala buhi.
Ghal ghal khal khal baantin dekhi dar laaguthilaa tor kaanaa hebaa
Naain dekhi naain chhi kari bi tor kathaa bhaabuthilin, se kentaa thibaa.
Samiaa gala tor pet bhitren khelbaar dekhi eklaa eklaa hasuthilin
Laagu thilaa jentaa kaapkaapi uduchhe petbhitren eiden seaaden.
Tor paad maar baar dekhi laagu thilaa jentaa mate nuaa janam miligalaa
Buaar baensir suren tui uparke aasuthilu, mate badaa sundar laguthilaa.
Tui hauchhu tor buaa aaur mor milanar chinhaa peremar phal
Tate dekhbaar ke man chhan chhan, saten kenben aaibaa se sakaal.
Bhaabu thilin kentaa dishuthibu tuin mor baagir ki buaar metaar
Kentaa heithibaa tor naak kaan kede heithibaa tor sundru paad.
Hei paare duniaar sabu lok nu algaa heithibu puraa puri algaa
Jaahaa helen bi mate nuaa janam deichhu heipaarmi muin hemi maa.
Dekhun dekhun samiaa gadi jaauchhe pet saaraa tuin bharigalu
Utus putus hei naain paaruchhen tuin mor dhana kaanaa ta kalu.
Basi naain hue ki sui naain hue, khaai naai hue ki bhok sahi naain hue
Pher bi tor kathaa bhaabi bhuli jaauchhen bhok, shosh sabu ghai.
Maa hebaar ei anubhab ta kede sundar kentaa kahemi sabad kam padbaa
Tor kathaa bhaabi bhaabi dash maas kaanaa saraa jeeban bi kam padbaa.