Imfundo Poem by NtsimbamaZizi Sibongile Potelwa

Sisixhobo sokulola ingqondo;
Iloleke de ibebukhali
Ekucingeni nasekuqiqeni;
Sisixhobo esingebonwa ngeso

Lilifa esalishiyelwa ngokhokho;
Balilwela kontam’ inecingo
Saxhamla kuba sisaxhamla
Sizityebisa ngolwazi nobukrelekrele

Ngawe mfundo kuphum’ iinkokheli
Izithwalandwe njengoMadiba
Ngawe mfundo kuphum’ izinxibamxhaka
Abefundisi njengoDesmond Tutu.

Mnt’ ongenay’ imfundo akananto;
Mnt’ ongenay’ imfundo akanalwazi
Mnt’ ongafundanga akayindawo
Mfundo ulilifa laphakade