Ndingumf’ osiquququ sesiqiqiqi int’ engadinwayo
Ndihla ndisenyuk’ andibikwa nehlaba eli
Ndithule ngekh’ uve ndinkwininkwiniza nje tu
Amendu endinaw’ ungathi ndisisikhotsholo gqibi
Ndibile ndithi xhoph’ okwenqugwala
Kungekho mnt’ onesazela nenimba ngam;
Wakuthula wokucwany’ entlok’ umnt’ ungaqiqile
Ndithule andithethi ndiyasebenza nje qha
Abanawuki baman’ ukwalathisana ngam lo
Suke bandiwe ngentsini endengendenge kephofu
Ngangathi bayaqal’ ubon’ umnt’ osokola ngam lo
Ntsokolo asinto ndizelwe nayo nje tu
Kuyaqaleka ukuba nomnt’ osokolayo ngam na?
Ivili liyajikeleza yaziwa nanguthathatha lo nto
Gqolo ukwehla ndinyuka ndizam’ impilo engcono
Andiphuml’ imini nobusuku ndimaxhaphetshu
Mpumlo yam yofika mhla ndakhab’ ibhekile
Ndiphumle uphumlo lanaphakade
This poem has not been translated into any other language yet.
I would like to translate this poem