Qum! Qum! Siyatyobatyobana,
Tyhini yintwala bafondini
Yondlekile kway’ itukutuku;
Igazi kukutya kwayo
Intlok’ imthwebetshu,
Imbejembeje ukuhombiseka
Tyhini! Bantu ngoonomoyi
Tshitshilili macal’ onke
Qanduseliyani, yimigqutsuba
Int’ ezincukuth’ igazi
Abhity’ umntu abelucingo
Axwebe ngangathi akasatyi
Zinyuquze lakutshis’ ilanga
Zitsho ngobobumnyama bazo
Kuba zihlala hlathin’ elimnyama
Zizimele lakuqhaqhazelis’ amazinyo
Ntwala zentloko zemka zayakusithela
Ntwala zempahla zazeka mzekweni
Mnt’ onazo namhla ulihlazo
Qum qum ndayibulala kwakhona
This poem has not been translated into any other language yet.
I would like to translate this poem