Sisixhobo sokulola ingqondo;
Iloleke de ibebukhali
Ekucingeni nasekuqiqeni;
Sisixhobo esingebonwa ngeso
...
Ndingumf’ osiquququ sesiqiqiqi int’ engadinwayo
Ndihla ndisenyuk’ andibikwa nehlaba eli
Ndithule ngekh’ uve ndinkwininkwiniza nje tu
Amendu endinaw’ ungathi ndisisikhotsholo gqibi
...
Ngusigaxa-mabhandi umankunkxa
Ngungxowa zengxaza zixangxathekile
Sisu siliswayiswayi zange sanela
Nguhlohlesakhe kelowo
...
Nqenerhandini vuka kusile;
Yint’ ezwabulukayo ilulovane
Izamle umzamlo wobuvila
Linqenerha lo mntwana
...
Nzwinini yani le inkentezay’ emazants’ apha
Yazinga isizungu sent’ engavumi kuthomalala
Sakrasa kwachachamba iifesitile neegilasi
Sankenteza kwakhenkceza emazinkini namawa
...
Hala-a-a-a-a-la! Vuka Afrika-a-a!
Ivukile i-Afrika yathi gomololo
Kwakikizela nosebeleni yimincili
Nkqu nezibotshwa zazal’ imincili
...
Ngulo yam iyandibhokodisa;
Ayindilalisi imini nobusuku
Ngulo yam iyandintlokothisa;
Indiphathisa ngophuku
...
Tyhini walugcwabevu waphela;
Ewe wafuth’ okwenkunz’ enkomo
Wgquba ngaphakathi kungekho ntetho;
Lugcwabevu ufing’ iintshiya
...
Qum! Qum! Siyatyobatyobana,
Tyhini yintwala bafondini
Yondlekile kway’ itukutuku;
Igazi kukutya kwayo
...