મન મોકળાશ Man Poem by Mehta Hasmukh Amathaal

મન મોકળાશ

એકાંત છે પણ કોઇ કાંડ નથી
મનોરથ છે પણ કોઈ કોડ નથી
આતો સંસાર છે એટલે બધું કરવું પડે
બાકી દુઃખજ દુઃખ છે તોયે મોઢું હસતું રાખવું પડે।

'ખાઓ પંખીડા પેટ ભરી ભરી' કેહવાના દિવસો ગયા
સંત નાનક કેટલો મહામૂલો વારસો મુકતા ગયા
વાતો ને ઉતારવી એટલી સહેલી નથી
એ સત્ય છે પણ પહેલી નથી।

મૂંઝાવા જેવું કૈ જ નથી
દુઃખ ને પામો તો તેનો કોઈ પર નથી
સુખ ને પામો તોપણ સંતોષ નથી
બધુજ છે તમારી પાસે પણ શેષ કૈંજ નથી।

કહેવા માટે ઘણું બધું છે
જગત શાણૂ અને ઘણુંજ ખંધુ છે
તમારે એકાંતવાસ માં જવાની જરૂર નથી
મરવાની તો જરાપણ ખેવના રાખવાની નથી।

કરવું છે ઘણું પણ હામ નથી
અશક્ય ના હોય તો પણ તમામ નથી
મારે મન મોકળાશ પણ ચિંતિત જરૂર રહે છે
એમ લાગે કે કંઈ કમી છે અને વંચિત રહે છે।