Nakatamu Tula Ne? Poem by John Delle Panlaqui

Nakatamung tula potang pagtripan de ing metung a tau ne?
Nakatamung tula potang mangakamwanan ya?
Nakatamung tula potang masisisi ya,
kahit kasalanan tamu?
Potang mangatwiran ya,
at paglaban ning keka?
Makatula ne?
Uling ede pakiramdaman?
Uling kalyan de mu naman?
Gagawan deng pikatulan?
Sana potang atin yang agawang masalese, matula ka naman.
Potang mapupuri,
potang menyambut ya,
potang megtagumpe ya,
Potang agyu na ng manindigan,
potang agyu na ng talakad,
potang byasa ne,
at potang MASAYA YA,
sana MATULA ka naman
Uling ika keng bawat galo mu,
bawat tagumpe mu,
bawat achievements mu,
PROUD at MATULA ku para KEKA.