Patham Kiran (First Ray) Poem by ramesh rai

Pratham kiran aayee
jhurmut ko paar kar
jivan ki susmita
partham ehsaas ka
dhara ki parinita
chun chun kar laayee

kuchh prashant bela
prakriti abhi abhi jaagi
sab charachar then so rahe
so kar uth rahen

kisne dastak di'
pratham bela mein
yeh kiski abhibyakti hai
shushm aur bhi shushm
thandi thandi bayaon mein
wah kaun thee jhank rahi

sab ne dekha
par sab the chup
maun sa chhaya raha

meri chetna
meri vedna
meri samvedna
mein thi nihit
aane ki aahat
usha ki pratham kiran ka

wah jad chetna se vimukta
shubhra jyotsna thi bikher rahi
ushayan se thi jhaank rahi
nihar rahi thi
asamanjas prakriti ko

nai disha ka gyan
puratan ka abhimaan
nahi tha ant chhod

tum aawo prakriti ki god mein
vishram karo
bas shanti ki khoj mein
aayee ho eis lok mein
nisankoch vishram karo