Om Chawla

Bronze Star - 2,297 Points (India)

Peeda {pain} -A Poem In Hindi. - Poem by Om Chawla

Jab phool koi bhi khilta hai
Tehni ko peeda hoti hai
Tab mehak phool ko milti hai.
Dharti kay garbh mein jab
Beej koi ankurit hota hai
peeda usko bhi hoti hai
Tab ja kar pauda ugta hai.
Maan jab bacha janti hai
Peeda atyant woh sehti hai
Khushi be-ant woh pati hai.
Kai bar iss soch mein doobmain jata hoon
Har khushi se pahle peeda kyuon?
Kya peeda hi khushi ki janani hai?
Kya peeda se rahat ko khushi hum kehtey hain?
Kya khushi ka apna astitav nahien?
Woh cheekh peeda ki, jo hum sun na pattey hain,
Ya woh peeda jo cheekh kar hamien daraati hai, ;
Suni unsuni har cheekh peeda ki
Brahmand mein samma kar jab,
Sarv vyappi ban jaati hai,
Har shakhs har prani aur har pauda
Iss peeda ko har saans grehan tab karta hai
Jeevan mein sama kar yeh peeda
Unt tak saath nibhati hai
Jeevan se mukti dilati hai,
Tab peeda bhi lupt ho jati hai
Jeevan ka unt to mrityu hai
Ya peeda se mukti hi unt hai jeevan ka.

Atam bodh ka mujhe gyan nahien,
Par mann mein prashan yeh uthta hai
Kya peeda bhare jeevan se mukti pa kar
Atma bhi anand lok ko pati hai.
Aur Peeda se mukt ho jaati hai.

Topic(s) of this poem: pain

Form: Free Verse


Comments about Peeda {pain} -A Poem In Hindi. by Om Chawla

  • Randhir Kaur (3/6/2016 11:36:00 PM)


    Waoo..What a write Sir. It is so deep.
    Kya peeda ka apna koi astitav nahein is a beautiful line to ponder over the thought. Aapne jis tarah se kavita ko paish kiya hain woh jinta bhi hum batain shayad kam hoga. Thumbs up..Had a wonderful time Sir..
    (Report) Reply

    0 person liked.
    0 person did not like.
Read all 1 comments »



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Tuesday, January 19, 2016

Poem Edited: Tuesday, January 19, 2016


[Report Error]