شێتەکان ٥ و ٦ و ٧ Poem by Peshawa Kakayi

٥
لە دنیاى شێتگەراییدا
فەیلەسووف لە عەقڵى گومڕایی دێتە دەرێ،
کە دەگات بە دنیاى سروشتی،
قوتابخانەیەک لەدواى خۆیەوە بە جێ دێڵێ.

٦
لە دنیاى شێتگەراییدا
بەو شێوەیەى دەمانەوێت بمرین، دەمرین و
بۆ هەمیشەش زیندوو دەمێنينه‌وه‌.

٧
شاعیرەکان بلیمەتن،
شێتەکانیش کەمۆکێک گێل،
بەڵام بە ڕەچەڵەک دەچنەوە سەر شاعیرەکان!
============
٢٠٠٨
شیعر: شێتەکان
پێشەوا کاکەیی
لە کتێبی: پاشماوەی هەناسەکان
چاپی یەکەم، ٢٠٠٨