منداڵەکان Poem by Peshawa Kakayi

منداڵەکان
هەندێ جار بیر لە بارەغەمى خۆرەتاو دەکەنەوە،
بۆ بارەکەى قورس کردووە؟
هەندێ جار لە سێبەرى دارێک دەڕوانن
بۆ پرچی قرژن کردووە؟
هەندێ جار لای قوژبنى دیوارێک دانیشتوون
بیر لە لەدایکبوون دەکەنەوە.
منداڵەکان پیرێکى بێ تەمەنن،
لە هژمەى گۆچانێکدا دەسووڕێنەوە.
منداڵەکان دوایین وێستگەى ئەو شەقامەن،
کە بەسەر پردیشدا ڕەت دەبن،
بیر لە شۆڕشى (گاندى) دەکەنەوە!
=============
ئەیلوولى ٢٠٠٧، مەهاباد
شیعر: منداڵەکان
پێشەوا کاکەیی
لە کتێبی: پاشماوەی هەناسەکان
چاپی یەکەم، ٢٠٠٨