Pilaa Dinar Kathaa (Kosli Poem 121) Poem by Binapani Mahaling

Manepadsi mor pilaa dinar kathaa
Barshaa paani chham chham naachbaartaa
Gaan khuil paani jamithilen
Paain ke kudi paain chichrilen hasbaarta.
Manepadsi mor pilaadinar kathaa
Se phirphiri dhari posmanaabaartaa
Kukraa, chimraah pachhen bhaagbaartaa.
Denu saapanr leng dhari gol gol ghuraabaartaa.
Manepadsi mor pilaadinar kathaa
Banke jaai ghuli aau kandaa nurbaartaa
Puskahani padam naadi kudi aanlen
Usat hei gharke daudibaar taa.
Manepadsi mor pilaadinar kathaa
Aam-jaam-buro gachhen ledaa maarbaartaa
Dumer gachh ke chadgi dumer tulaa
Aau maajaa gachhe maajaa tulbaar taa.
Manepadsi mor pilaadinar kathaa
Se palsaa-kendu patar tulbaartaa
Ganphalsaa daang daang kaathi bhaanbaartaa.
Daren maren baair baatun gharke aaibaarta.
Manepadsi mor pilaadinar kathaa
Gharun caul churei bhuji karbaartaa
Paatal-ghntaa, sukhaajhuri aau mungaaphul
Kahanre saang mankar saane gachh talen khaaibaartaa.
Manepadsi mor pilaadinar kathaa
Nurse aailen jharkaa degi eiskulun palaabaartaa
Belbudlen eiskool ke aasi
Nijar bastaani munaa churaabaartaa.
Manepadsi mor pilaadinar kathaa
Saakaal padhaa dine sidhaa eiskool nu banke jibaarta
Dabdabei dabdabei gaadhbaartaa
Banar seaadun bheluaan khaaibaartaa.
Kaahin gala se pilaa din
Hajigalaa sabu pilaadinar saang sairtaa
Hajigalaa se kathaani sunaa
Haji gala belbudaar dhandaa utaar debaartaa.