Ram Gale Banbaas (Kosli Poem 137) Poem by Binapani Mahaling

Kaikei raani maagichhe bar ram jibe chauda barash banbaas
Dashrath raja bar deikari hegale sine daanth chaabi behos
Kaanduchhan rajaa kanduchhan mhaaraani chhati karti hei
Kaanduchhe ajodhyaa kaanduchhan lok sabu henkei henkei.
Aankhir laha sabu naed heigalaa phaatigalaa sabu chhati
Mantharaar aaij man bharigalaa debaa bharat ke bheti.
Rahi jaare ram rahijaa mor dhana chhadi naaijaa mate
Dasharath rajaa jhuri hauchhe bar kaain delin kaikei ke.
Buaar kiriaa raam laagin bad rakhlaa maar garab
Maaijhi bhaai ke saange dhari chaaligale banbaas.
Ajodhyaa baasi pachhen pachhe gale bho bho kaandi kaandi.
Ram bujhei athaa heigale naai paar le kaahaake chhandi.
Kaanduchhe paahaad kanduchhe gachha kaanduchhe naed naalaa
Ajodhyaa nagri suin heiglaa raam dekha paleigalaa.
Sabe gale raamar saange, adhaa raatin ram gale samku chhadi
Ajodhyaa maaet ke muden chandan kari gale aagke badhi.
Kahele go maa ashirbaad kar chaudabarash paren phirmi
Ei chaudabarash tor asirbaad nu baapar kiriaa ke rakhmi.
Jangalen muin rahemi rushi metaar saahas debu mate
Sat dharam ke chhadi naain jimi ashu paristhiti jete.
Maago maa muin kiriaa karuchhen rahemi raag ahankaar nu dur
Munirushi maankar paaden khatmi paaemi gyaanar jhol.
Saange jaauchhan mor maaejhi saan bhaai rakhmi taahaaku bhal
Laagle tate go ajodhyaa baasi naain karbu taahaaku par.
He paean paban ajodhyaa nagrir dekhuthiba ajodhyaar puo jhike
Jaauchhen bahut dur helen muin juhaar karuchhen rakhithiba samku bhalse.