नुनो मोनदों फुंनि गोजोन सुदेम बारजों मोसानाय Poem by Ronjoy Brahma

नुनो मोनदों फुंनि गोजोन सुदेम बारजों मोसानाय सोमखोर बिफां-लाइफां
बाद'-बिरद' दाउसिनफोरनि मोसानाय
बिसोरजों रंजाफायो आंनि गोरबोआ मिनिस्लु मिनिस्लुनायाव
गोजोन मोनो बिसोरनि रैसुमै मेथाइयाव

हाबाब लोगो जोंमा गावदां बेसेबांदि मोदाननाय नोंनि
नोंनि साहसगोनां सोरांआ मोदानो आंनि थाइनै मेगनाव
मोस्लेद सोरांनि आन्दायनाय मोब्लिबगासे जिउ
गोजोननाय खुसिया जाखांफैयो गोरबोआव

थाइनै मेगना आंनि मोसेबनो बावगोमायो
नै लोगो जोंमा गावदां आंनि
नायहाब नायना थायो मुलुगनि समायना बेसेबांबा
नोंनि सेराव लोगो मेगना मोदैजों ज्राम ज्राम जायो आंनि

हां मोनस'हायै हरखाब गोदोलाङो आं
नै लोगो आं नोंखौ गोसोखाङो हालो-दैलो बेसेबांबा
माबा साननानै खुसि जायो
बेसेबांदि बेबादि समा बारग'लाङो
नोंनि सेराव सोरां आर'जखौ जुरिजेनो आं
थाथिर गैयै बिरबायना गोसोआ थाङो गले गले नोंनिसिम

लोगो नोंनि सोरांजों मिनिस्लु मिनिफायो
आंनि गोरबोआव जाखाङो बेसेबांबा साननाय
लोगो हमलायनाय जायो नोंजों आंजों बेबादिनो गोबां खेब

दिनै गोरबोआव सिनायजेननाय नोंजों
लोगो फुंनि लांगोनायाव बिबारनि सेराव
मोखांजों मोखां बेसेबा खुसिजों सिरि सिरि रायज्लायो गोबां
लोगो थादो आंनि नैबे जिउआव अरायबो लोगो जानानै
21/06/2010