Ndinewe mudiwa mufaro pfachu
Agh ko ndizvoka newe wangu
Wangu moyo uzere nyemwerero
Kese kawareva inongove sekerero
Pondoti cheu iwe nekapanga woti checheu
Zvazibwa nani kuti rwenyu rudo chinyemu
Zvinaani soko kuti pondoona nyemwerero
Imi savamupere manyenama nevengo
Matoita kurwera rute pachangu chironda
Zvamatobatira gapu romunyu nemapuno muzvanza
Zvomorwidzana nenhunzi pachangu chironda
Mokokorodzana nevari mhiriyo mati vasvikewo vazochapfanya
Zvino rwangu rudo mati gohwingw'i
Rwese pamuri tsve! mopfachura vagoni
Dzoke moita hwenda, hwechishambwe chaicho pan'ombe
Moponda ini wenyu muraramisi
Nehope chazuro mokangamwa
Kuti muvemi nezvamuri ndini nezvandaive
Zvenyu zvoita zvangu zvopata
Deno musimi zvokwadi ndave chinhambwe
Rudo rwose marusveta padurunhuru ndokusvipira
Vagoni zvenyu mochitsvaka chimwe chituta
Asi mochenjera kunyima nowakaguta
Mandikohovedza asi gwangu rudo gwosinira
Deno mabira mhiri ndadeera vonditi kwenyu
Muchadana mugoneta asi gwenyu rudo bodo
Ndovaka here kuti mugoputsa! Aiwa bodo
This poem has not been translated into any other language yet.
I would like to translate this poem