Sakaal (Kosli Poem 64) Poem by Binapani Mahaling

Suraj udlen paahaad karpanu
Raait bhaagsi pilhei phatei
Ukiaa aaisi dahanki dahanki
Nuaa saj baaj nei.
Chare chirgunar hul huli maaden
Aakaash jaaisi phaati
Got ke jibaar man kari kari
Gaai daamur chhaadsan radi.
Chaasi puo dekha khedke jaauchhe
Nangal, jued, kued dhari
Gaan khuil ke saarlei nesi
Bhuaasen baarnhi maari.
Taak dhum dhum chura kutaa aabaj
Taar saange murhi bhajaa san san
Thuk thak ghar ghar abaaj asuchhe
Badhei gharun jaha.
Chain chakel kahanr bhitren
Chhot chhuaar naachi dekha
Maalen maaejhir saag buchkaa dekhi
Bhuaasen maankar kete bheka.
Luhuraa budhaa luhaa saalen
Phata gina saajuchhe
Kumhaar dhangraa maait chitki
Nuaa handi gadhuchhe.
Sakaal aaichhe aamar gaan khuli
Nuaa sapan anichhe
Bhaab pirati sabudine thaau
Aamku kahi jaauchhe.