Sakuni (Kosli Poem 42) Poem by Binapani Mahaling

Gandhaar deshar raaj kumaar se chhaati taar kuhuluchhe
Kanaa dhrushtra saange gelehi buhen maani naain paaruchhe.
Gandhaari aankhinu pati baandhbaar take jiant jaalidauchhe
Raag anankaaren jali jali badalaa nebaarke bhaabuchhe.
Manu jamaa bhuli naain paaruchhe dada bhair aau buaar maran
Sabe bhuken male pat pat taar agaaden jel khaanaana.
Din raait taahaake jhumraa naain bhok shosh mari jaaichhe
Kentaa bhisma ke haraabaa palaan upren palaan karuchhe.
Hastinaapur ke khaar kari nebaa badlaa heijibaa taar puraa
Kuru pandu ke dhans karinelen ushaas hebaa manar bharaa.
Durjodhanar man bhitren bharlaa bish chhot chhuaadinu
Din raait kanaa dhrustra ke uskaalaa raaijgaadir laagin.
Durjodhanr haaten bhim ke bish dei bharlaa bhaaai bhitern phaat
Bhaair saange bhaai ke jhgadaa lagei sakuni dekhuchhe naat.
Badaa sundar lacghar banaalaa paandav ke maarbaar lagin
Juae jaluthilaa sakuni hasuthilaa helen palaan hela phas hei.
Pandav ke maari naain paarla helen din raait mantar phukuchhe
Karan durjodhan ke bish piaei bish bharaa naag baneichhe.
Hastinaapur ke duibhaag karidelaa chiri delaa bhismar chhaatike
Din raait se plan karuchhe tik tik karbaa hastinaa ke.
Juaaguti nei baneichhe malaa baapar haad ke nei
Sabu jua khelen jitsi baapar ashirvaad paai.
Kaurav pandav bhitren se dine juaa khel karaalaa
Bhari sabhaa agaden durpatir bastraaharan karaalaa.
Kuru banshar laej mahat ke duniaa aagaaden nanglaa kalaa
Kuru bansar sabulok ke jin jhaaun thaaun maaridela.
Etki thin taar man naain bharlaa hinshaa ahankaar nei
Mahabharat judh kareidelaa hastinaapuren thaai.
Kuru bansh ke dhans kari nelaa saange mahaarathi nei
Badlaa taar puraa heigalaa nijar jiban dei.
Lobh moha maya sansaaren kihe nuhan kaahaar
Sabu jaani jaani budhiaa sakuni karlaa gaint ahankaar.
Dukh darad ke ghaanti ghaanti bahaar kalaa sabu bish
Se bishen sabu marigale taar badlaa helaa michh.