Sara Teasdale 100 - ഹേമന്തസന്ധ്യ Poem by Unnikrishnan Sivasankara Menon

ഞാൻ, തെളിഞ്ഞ് ഗംഭീരമായ സാന്ധ്യരശ്മികൾ
മഞ്ഞുവീണുകുനിഞ്ഞ മരങ്ങളെ രാവാട-
യുടുപ്പിക്കുന്നത് കണ്ടുകൊണ്ടിരിക്കയായിരുന്നു
വൃക്ഷച്ചില്ലകൾ സ്ഫടികനിർമ്മലമാം ഈണങ്ങളിൽ കിണുങ്ങുന്നു
താമരാക്കുമരങ്ങൾ കുനിഞ്ഞ് തങ്ങളുടെ രജതനിധികൾ
മഞ്ഞിൻ മൗനരഹസ്യത്തിലൊളിപ്പിക്കുന്നു
പടിഞ്ഞാറ് ഒരൊറ്റ നക്ഷത്രം മാത്രം ഉദിച്ചിട്ടുണ്ട്
ആകാശത്തിൻ നിറുകയിൽ രണ്ടെണ്ണം തിളങ്ങുന്നു.
ഒരു നിമിഷം ഞാൻ യുദ്ധങ്ങളെയും അവ കവർന്നെടുത്ത
ഉറ്റവരെയോർത്തുകേഴുന്ന പെണ്ണുങ്ങളെയും മറന്നുപോയി-
ഗർഭഭരം ചുമന്ന് എന്നെ നൊന്തുപെറ്റ അമ്മയെ
എനിക്ക് ജന്മം നല്കിയതിന് നന്ദിയോടെ ഓർത്തുപോയി.

This poem is the Malayalam Translation of the lovely poem "Winter Dusk" Sara Teasdale.