Sara Teasdale 104 - പ്രണയിക്കാൻ വഴികളേറെ Poem by Unnikrishnan Sivasankara Menon

രാത്രിമുഴുവൻ നീ എന്നെക്കുറിച്ചുതന്നെ
ചിന്തിച്ചുകൊണ്ടിരുന്നത് ഞാനറിഞ്ഞിരുന്നു
നീ അങ്ങകലെയായിരുന്നിട്ടും ഞാനതറിഞ്ഞു;
നിന്റെ പ്രണയം ഇളംകാറ്റുപോലെ
എന്റെ മേൽ വീശുന്നത് ഞാനറിഞ്ഞു
കാറ്റടിച്ചുചിതറിയ ഇരുണ്ടൊരു കടൽ
പെരുമഴയായെന്നെയാകെ നനച്ചതുപോലെ.

പ്രണയിക്കാൻ വഴികളേറെയുണ്ട്
ഓരോ വഴിക്കും അതിന്റേതായ ഹർഷവുമുണ്ട്,
രാവിലൂടെ കരയിലേക്കടിച്ചുകയറി-
ച്ചിതറുന്ന കടലായി മാത്രം എന്നടുത്ത്
വരൂ, അതിൽ മാത്രം തൃപ്തിയടയുക.

This poem is Malayalam Translation of the poem "Spray" by Sara Teasdale